Ի՞ՆՉ ԿԱՐԴԱԼ

ԱՅՍ ՏԵՍՏԸ, ինչպես նաև Դօրիանի լավագույն ստեղծագործությունների ցուցակն ըստ DORIAN.AM և GoodReads կայքերի օգտվողների, կօգնեն ձեզ ընտրել, թե հեղինակի աշխատանքներից որն արժե կարդալ առաջինը։

«Դու կծիծաղեիր, եթե ինձ տեսնեիր,
Բայց դու վաղուց ես հանել աչքերդ։
Վերելք եմ կոչում ես վայրէջքներս,
Ընկեր եմ կոչում շրջված մեջքերը…»

-Դօրիան

ԴՕՐԻԱՆԻ ԻՐԱԿԱՆ ԱՆՈՒՆՆ Է ԳՐԻԳՈՐ ՄՈՒՐԱԴՅԱՆ, ՆԱ 29 ՏԱՐԵԿԱՆ Է

Ստեղծագործությունները

Իր առաջին վեպերը՝ «Իսկ գիշերվանից հետո՝ շուշաններ» և «Աձխյատման», գրել է 19-20 տարեկանում։ Տասնյակ պատմվածքների, բանաստեղծությունների և վիպակների հեղինակ է։ Նրա աշխատանքներից մի քանիսը 2009թ․ տպագրվել են «YES!» երիտասարդական ամսագրում։ «Սատանան մայրամուտին» վիպակի համար արժանացել է «Ինքնագիր» գրական մրցանակի։ Վիպակը տպագրվել է համանուն ամսագրում։ 2011թ․ տպագրվել է «Իսկ գիշերվանից հետո՝ շուշաններ» վեպը։ Տևական դադարից հետո, 2016թ․ հրապարակել է «Հիմարների տներն ավելի մեծ են» վիպակների ժողովածուն։

Այլ գործունեություն

Դօրիանի «Կապտուկներ հոգուն» պիեսի բեմադրությունը ցուցադրվել է Երևանի Պետական Տիկնիկային թատրոնում, իսկ «Արհեստական արբանյակը» պիեսի բեմադրությունը՝ Երևանի Պետական Դրամատիկական թատրոնում։
Ինդի-ռոք կատարող Աննա Պապյանը Դօրիանի «Լալեյ» և «Ջրեմարդը» բանաստեղծությունների հիման վրա գրել է իր համանուն երգերը։
Դօրիանի մասնակցությամբ հատուկ թողարկումներ են նկարահանել «ՓՈՓ հանրագիտարան» և «Կիսաբաց լուսամուտներ» հեռուստաշոուները։ Տասնյակ հարցազրույցներ է տվել հայաստանյան առաջատար լրատվականներին։

ԷԼԵԿՏՐՈՆԱՅԻՆ ԳՐՔԵՐ

դօրիան հիմարների տներն ավելի մեծ են պատմվածքներ

Հիմարների տներն
ավելի մեծ են

ՎԻՊԱԿՆԵՐ

Ժողովածուի վիպակներից յուրաքանչյուրը բեկումնային իրադարձություններին կամ բացահայտումներին հաջորդած՝ գլխավոր հերոսի կյանքի կարճատև հատվածի նկարագրությունն է։

Կարդալ
դօրիան իսկ գիշերվանից հետո շուշաններ սիրավեպ

Իսկ գիշերվանից
հետո՝ շուշաններ

ՎԵՊ

Կասկածելով ամուսնուն դավաճանության մեջ՝ Շուշանը բացահայտում է նրա կապը երիտասարդ մարմնավաճառուհու՝ Մարիամի հետ։ Սակայն լքել ամուսնուն նա չի շտապում։

Կարդալ
դօրիան սատանան մայրամուտին վիպակ պատմվածք

Սատանան
մայրամուտին

ՎԻՊԱԿ

«Շյուղեր» հյուրանոցի երիտասարդ մատուցողի կյանքը կտրուկ փոխվում է, երբ խորհրդավոր այցելուն նոր աշխատանք է առաջարկում նրան:

Կարդալ

Ցանկանում եք
ստանալ բոլո՞ր գրքերը

Թողեք Ձեր էլփոստի հասցեն։ Հասանելի բոլոր էլեկտրոնային գրքերն անմիջապես կուղարկվեն այդ հասցեով։

Ստանալ